Historia fakto aŭ legendo ?



Tiuj, kiuj ŝatas aŭdi belajn legendojn, certe estos iom surprizitaj scii ke, unu el la arabaj Esperanto- aktivuloj en Palestino en la 1920-aj jaroj havis la nomon Arafat. Kaj iuj asertis lin onklo de la palestina gvidanto Jaser Arafat . Per bone dokumentita artikolo, la israela esperantisto, Doron Modan, montras ke la aserto ne estas tre kredinda. Ĉar la patrino de la mondfama palestina gvidanto devenis el jerusalema familio. Kaj tiu de la patro vivadis en Egiptio. Restas nur ne diskutebla fakto : En la komenco de sia agado, la Organizacio de Jaser Arafat uzis Esperanton en propaganda flugfolio, kies titolo estis : « Ĉu vi scias ? »

Doron Modan uzas la okazon por reliegi esperplenan historian momenton. En la Tel-Aviva Esperanto- societo « Paca Stelo » en 1924 kune membris judoj kaj araboj. En 1934 Tel-Avivo gastigis Mezorientan Esperantistan Konferencon kun multaj eksterlandaj gastoj, interalie el Egiptio. Dek jaroj poste judo estis elektita honora membro de Egipta esperanto-Asocio, kaj denove egiptaj esperantistoj gastis la Palestinan esperanto-Kongreson. Sur solena kongresa foto, ili plektas la manojn kun siajn judajn amikojn.

Elvokante tiun periodon, Doron Modan, salutas tiujn, kiuj « pionire, naive kaj pacreve praktikis la esencon de esperanto ».

La 25-an de novembro. 2010.



Marcelo.



N-B. Al la interesatoj tiuteme, eblas transdoni la tutan artikolon.

---